டிக்கெட்! டிக்கெட்! (கவிதை)

சூட்கேஸ் விற்பனை அமோகம்,
ரிசர்வ் வங்கி ஆளுநரின்
உத்திரவாதம் யாருக்கு வேண்டும்!
திரையரங்கில், பேருந்தில்
டிக்கெட் வாங்கிப் பழக்கமில்லாத
வேட்டி, துண்டுகள்
கட்சி அலுவலகத்தில்
அலைகின்றன டிக்கெட்டுக்கு!
குறுக்கு வழிக்கென்றே
முறுக்கு மீசைகள் சில
கள்ள மார்க்கெட் கதவருகில்!
வைர மூக்குத்தி, நெக்லேஸ்,
தங்க வளையல், பட்டுப் புடவை
இப்படியும் ஒரு வழி
மூலவர் தரிசனத்துக்கு!